jugarbien
otras webs
A partir do mes de abril de 2015, o soporte para NPAPI quedou desactivado por defecto no navegador Google Chrome.
De igual forma, outros fabricantes están a anunciar a posibilidade de que futuras versións dos seus navegadores deixen de admitir por defecto applets de java. En todo caso, e por razóns de seguridade, é posible que o seu navegador estea configurado para non aceptar o uso de applets.
En todo caso, a Dirección Xeral de Ordenación do Xogo pon á súa disposición tres solucións de sinatura que poderá utilizar en función das capacidades do seu navegador:
1. sinatura con applets de java 
Poderá utilizar esta solución cando o seu navegador teña capacidade para tratar applets e dispoña dun certificado electrónico de clase 2 ou DNI electrónico.
Para máis información sobre os certificados e sinatura electrónica, consulte a páxina axuda sobre certificados electrónicos e sinatura
A Sede Electrónica da DGOJ implanta tamén, entre os seus procedementos de sinatura electrónica, o sistema de sinatura na nube, denominado Cl@ve Firma.
Mediante o uso de Cl@ve Firma, poderanse asinar todas aquelas presentacións de solicitudes realizadas dende a nosa Sede Electrónica, ao igual que o pagamento da taxa administrativa do xogo.
Cl@ve Firma permite ao cidadán asinar electronicamente dende calquera dispositivo que teña conexión a Internet e sen ningún equipamento nin instalación de soporte lóxico adicional.
Para máis información, consulte a páxina clave sinatura
3. AutoFirma ou sinatura sen applets
Cando se precisa unha sinatura, o navegador do usuario lanza unha petición que é capturada pola aplicación de sinatura distribuída polo MINHAC AutoFirma, previamente instalada no equipo do usuario. Esta aplicación é a encargada de asinar o documento que se lle envía dende a Sede Electrónica da DGOJ, e automaticamente se conecta cos sistemas da DGOJ para devolvelo asinado.
A solución funciona tanto para o rexistro de solicitudes dende a sede electrónica como para asinar as solicitudes de pagamento de taxas na pasarela de pagamentos.
Sinatura en Servidor para o rexistro electrónico de solicitudes 
Ao rexistrar electronicamente unha solicitude dende a sede electrónica, pídese ao solicitante a sinatura electrónica desta. Se se detecta que o navegador non admite applets, ou que ten o soporte a Javascript inhabilitado, dáse a opción de realizar a sinatura mediante a aplicación AutoFirma.
Arráncase a aplicación AutoFirma, mostrando en primeiro lugar unha mensaxe que solicita a execución de protocolo externo para poder iniciar a aplicación. Unha vez arrancada a aplicación, pedirase o certificado co que se ten que facer a sinatura de entre os instalados no equipo do usuario e, unha vez asinado, automaticamente enviarase o documento asinado aos sistemas da DGOJ para o seu procesamento.
Sinatura en Servidor nas solicitudes de pagamento da taxa de xogo
O funcionamento da sinatura na pasarela de pagamento é idéntico ao comentado para o rexistro electrónico. Antes de finalizar o proceso de sinatura, o solicitante debe asinar dixitalmente a petición de pagamento. Dáse a opción de utilización de Autofirma para realizar este trámite.
Permite utilizar o DNI electrónico se non dispón dun lector de tarxetas intelixentes no seu computador e o seu teléfono móbil dispón de lector NFC.
DNIeRemote converte o seu dispositivo móbil nun lector do DNIe 3.0 conectado ao PC, permitindo así acceder aos servizos da administración electrónica que requiren de autenticación con certifi cado dixital, e realizar fi rmas dixitais en documentos a través das correspondentes aplicacións.
Descargue a aplicación para escritorio, a app móbil e o manual de usuario na seguinte ligazón
