Egoitza honek, sinadura-prozesuetan ziurtagiriak baliozkotzeko, Ogasun Ministerioaren @firma plataforma erabiltzen du. Plataforma honek ITU-T X.509 v3 estandarraren arabera onartutako ziurtagiri digitalak onartzen ditu, Ekonomia Gaietarako eta Eraldaketa Digitalerako Ministerioak ezarritako konfiantza-zerrendan inskribatuta dauden zerbitzu-emaileek jaulkitakoak, 2020ko azaroaren 11ko 6/2020 Legearen 16. artikuluan ezarritakoarekin bat etorriz, zeinak konfiantzazko zerbitzu elektronikoen zenbait alderdi arautzen baititu.
Horrenbestez, egoitza honek onartutako hornitzaileen zerrenda osoa @firma ziurtapen-zerbitzuen hornitzaileen dokumentuan aurki dezakezu.
Era berean, JAZNren Egoitza Elektronikoak hodeiko sinadura sistema ezartzen du bere sinadura elektronikoko prozeduren artean, Cl@ve Sinadura izenekoa.
Cl@ve Sinadurari esker, gure Egoitza Elektronikotik egiten diren eskaera-aurkezpen guztiak sinatu ahalko dira, jokoaren administrazio-tasaren ordainketaren moduan.
Cl@ave Sinadurak herritarrei elektronikoki sinatzeko aukera ematen die Interneteko konexioa duen edozein gailutatik, inolako software osagarriren ekipamendu edo instalazioren beharrik gabe.
Ziurtagiri zentralizatuak Poliziaren Zuzendaritza Nagusiak (PZN) eta Gizarte Segurantzaren Informatika Zuzendaritzak (GISS, gaztelaniaz) sortzen eta zaintzen dituzte, Egoitza Elektroniko honen bitartez ere sortzea gaitu daitekeelarik horiek ez izatekotan. Cl@ve Sinadura zerbitzua soilik nortasuna baliozkotzeko Cl@ve Iraunkorra plataforman erregistratuta dauden erabiltzaileentzat egongo da eskuragarri (informazio gehiago aurki dezakezu http://clave.gob.es atari tematikoan)
Sinadura prozesua segurtasun maila handienaz burutzen da. Horrek esan nahi du Cl@ve Iraunkorraren modalitate indartua erabiliko dela, hau da, erabiltzailea eta pasahitza sartzeaz gain erabilera bakarrerako kode bat ere eskatzen duena. Kode hori SMS mezu batez jasoko da, erregistratzeko unean ziurtagiriaren titularrari loturik den telefonoan.
